सरस्वती पूजा तथा अक्षरारम्भ कार्यक्रम सम्पन्न

मिति २०८० फाल्गुण २ गते शुक्रबारका दिन सरस्वती पुजा तथा श्री पञ्चमीको पावन अवसरमा यस विद्यालयमा सरस्वती पूजा तथा अक्षरारम्भ कार्यक्रम सम्पन्न गरिएको छ । विद्यालयका विद्यार्थी, शिक्षक र अभिभावकहरू समेतको सहभागितामा ज्ञान, विद्या र बुद्धीकी देवी सरस्वतीको बन्दना सहित भव्यताका साथ पूजा अर्चना गरिएको हो । उक्त अवसरमा कक्षा ४ का विद्यार्थीहरुले सरस्वती बन्दना गाएका थिए भने कक्षा १ र ४ का विद्यार्थीहरुद्वारा सरस्वती अर्चना नृत्य समेत प्रस्तुत गरिएको थियो ।
विशेषगरी सरस्वती पूजाको दिन बालबालिकाहरूलाई अक्षर चिनाए शुभ हुने मान्यता रहेकाले सोही दिन यस विद्यालयमा पुर्व प्राथमिक कक्षामा भर्ना हुन आएका बालबालिकाहरुलाई अक्षरारम्भ समेत गरियो ।